आज मिति २०८१/८/१७ गतेका दिन सोलुदुधकुण्ड नगरपालिका वडा नम्बर १ को प्रशासनिक भवन शिलान्यास कार्यक्रम सम्पन्न भएको छ। नगरप्रमुख श्री नाम्गेल जाङबु शेर्पाज्यूको प्रमुख आतिथ्यता, नगर उपप्रमुख श्री गान्धी माया तामाङ, नगर पालिकाका प्रमुख प्रशासकीय अधिकृत श्री टुक्ति शेर्पाज्यूको विशेष आतिथ्यता र १ नं. वडाध्यक्ष श्री छोङ्वा शेर्पाको सभाध्यक्षमा सम्पन्न हो । वडाको भवन निर्माणको लागि देनडुब निर्माण सेवाले भ्याटसहित १ करोड २२ लाख ३६ हजार लागतमा निर्माण गर्ने भएको छ । योजनाको सम्झौता मिति २०८१ साल  साउन २९ गते भई सम्पन्न गर्ने मिति २०८२ जेठ ३० गते रहेको छ । नगर प्रवक्ता एंव ६ नं. वडाका वडा अध्यक्ष श्री फुर्वा ग्याल्जेन शेर्पा, नगर कार्यपालिका सदस्य श्री कुलध्वज घर्तिमगर, १ नं वडाका पुर्व वडा अध्यक्ष श्री छोङ्वा लामा शेर्पा लगयत स्थानीयहरुको बाक्लो उपस्थीतिमा कार्यक्रम सम्पन्न भयो।